Abiadura-testa

Begiratu zenbatekoa den zure Interneteko konexioaren abiadura

Zein urrats egin behar dituzu abiadura-testa egiteko?

Hona hemen aholku batzuk, zuntz bidezko konexioaren, ADSLaren, wifiaren edo mugikorreko konexioaren abiadura (3G, 4G edo 5G) berme osoz neurtzeko.

1.
Egiaztatu ez daukazula beste programarik irekita

Benetan zer abiadura daukazun jakiteko, itxi irekita dauzkazun eta Internet erabiltzen duten aplikazio guztiak. Gogoratu, adibidez, programa bat edukia deskargatzen ari bada zure “abiaduraren” zati bat galdu egingo dela zeregin horretan. Itxi dena neurketa behar bezala egiteko.

01

2.
Ez dadila beste erabiltzailerik egon konektatuta

Erabiltzaile bat baino gehiago baldin bazaudete Interneteko sare berera konektatuta, litekeena da konexio-abiadura banatzea; hala bada, testaren emaitza partziala izango da. Abiadura-testa egitean, ziurtatu zu bakarrik zaudela konektatuta.

02

3.
Hobeto da bideratzailera ethernet kable bidez konektatzea

Zure zuntz-sarearen edo ADSLaren abiadurari buruzko datu fidagarriagoa izan nahi baduzu, konektatu ethernet kable bidez zure bideratzailera. Oso erraza da zergatia ulertzea: kable bidezko konexioa ez da galtzen; zuzenean doa bideratzailetik ordenagailura.

03

4.
Wifi bidez edo datu mugikorren bidez

Mugikorreko Interneten edo wifiaren abiadura neurtu nahi baduzu, gogoratu abiadura aldakorragoa dela. Wifi bidez, beti galduko duzu abiadura, interferentziek (beste wifi-sare batzuk, hormak, apalak, kristalak…) edo distantziak beti “kentzen” baitute zure konexioaren zati bat. Internet mugikorraren kasuan, kontuan hartu behar da zenbat pertsona dauden antena berera konektatuta.

04

5.
Hasi

Orain arte azaldutakoa argi baldin baduzu, aski duzu “Hasi” botoia sakatzea. Abiadura-testak zure IPa eta Interneteko operadorea adieraziko dizkizu, zure konexioaren deskarga-abiadura, igoera-abiadura eta pinga neurtzen hasi aurretik.

05

Mugikor-tarifak 5G estaldurarekin

Dei mugagabeak dituzten mugikor-tarifak

10 GB

10GB + Dei mugagabeko

+ Dei mugagabeak
5G mugikor-estaldura

€ /hil

30 GB

30GB + Dei mugagabeko

+ Dei mugagabeak
5G mugikor-estaldura

€ /hil

GB mugagabeak

GB + Dei mugagabeko

+ Dei mugagabeak
5G mugikor-estaldura

Gehitu lineak % 50ean

3 hilabetez€ /hil

Eta gero 32€/hil

Gehitu lineak % 50ean

Aukeratu Euskaltelen zuntzeko eta mugikorreko eskaintza 5G estaldurarekin

Eta baliatu abiadura maximoa zure mugikorrean ere

Linea mugikorrak

Zuntzaren abiadura

500 Mb1 Gb

Zer da deskarga-abiadura?
Deskarga-abiadurak adierazten dizu zenbateraino azkar konektatzen zaren Interneteko zerbitzari batera, eta zenbat denbora behar duzun eduki bat, bideo bat, argazki bat, fitxategi bat deskargatzeko… Zure eramangarrian, tabletan edo mugikorrean ikusten edo deskargatzen duzun guztia deskarga-abiaduraren bidez neurtzen da.
Zer da igoera-abiadura?
Igoera-abiadurak adierazten dizu zenbateraino azkar konektatzen zaren zerbitzari batera, eta zenbateraino azkar igotzen duzun hor dokumentu bat, bideo bat, irudi bat…. Zuk beste pertsona batzuei bidaltzen diezun guztia, edo beste erabiltzaile batzuek zuri esker Interneten ikusiko duten guztia (Youtubeko bideo bat, blog bateko argazki bat...), igotze-abiaduraren bidez neurtzen da.
Zer da IPa?
IP helbidea, edo Internet Protocol, Interneten identifikatzen zaituen zenbaki bat eta bakar bat da. Sarera, zure mugikorrera, eramangarrira edo tabletara konektatzean, IP jakin bat esleitzen zaio, gailu hori identifikatzeko eta gainerakoetatik bereizteko.
Zer dira Mb/s-ak?
Interneteko abiadura segundoko megabitetan (Mb/s) neurtzen da, nahiz eta hizkera arruntean “megez” hitz egiten dugun. Haien bidez adierazten da zenbateraino azkar joaten diren datuak zerbitzari batetik zure gailura (mugikorra, tableta, eramangarria...) edo zenbateraino azkar bidaltzen dituzun zuk datuak sarera. Gigabit bat segundoko (Gb/s) segundoko 1.000 megabit da.
Zer da pinga?
Pingak edo latentziak adierazten du zenbateko atzerapena dagoen zerbitzari batera konektatu eta zerbait egiten duzunetik zure agindua zerbitzari horretara iristen den arte. Datu garrantzitsua da onlineko jokoetan kalitatea neurtzeko. Eman dezagun beste jokalari baten aurka ari zarela jokatzen: hark zuk baino ping txikiagoa badu, abantaila handiagoa izango du, eta aurrea hartuko die zure mugimenduei edo jokaldiei, zureak makalagoak izango dira eta. Kontuan hartu behar da bideokonferentzietarako ere: pinga altua bada, gerta liteke zuk hitz egin eta gainerakoek berandu entzutea zuk esandakoa, edo zuk haien esanak berandu entzutea.
Zer da Interneteko fluktuazioa?
Zure pingarekin edo latentziarekin lotutako balio bat da. Normalena da pinga beti berdintsua izatea. Asko aldatzen bada, konexioak arazoren bat izan dezakeen seinale da. Milisegundotan neurtzen da.
Zergatik gomendatzen da zuntzaren edo ADSLaren abiadura ethernet kablearen bidez konektatuta zaudela neurtzea?
Zure bideratzaileari zuzenean konektatutako ethernet kable batekin, zehatzago jakin dezakezu zer abiadura iristen den zure etxera edo negoziora. Konexioa kontrolatuago dago, eta zuzenean doa bideratzailetik ordenagailura. Wifi bidez konektatuta zaudela neurtzen baduzu abiadura, ez da hori gertatzen: wifi-konexioa norabide guztietan hedatzen da, eta gerta liteke beste wifi-sare batzuen interferentziak jasatea. Esate baterako, 2,4 Ghz-eko wifi-sarea, nahiz eta irismen handiagoa duen, beteago dago, eta abiadura txikiagoa ematen du. 5 Ghz-eko sarea, berriz, ez dago hain betea eta abiadura handiagoa eskaintzen du, baina irismen txikia; bideratzailetik hurbil zaudela bakarrik konektatu ahal izango zara.
Zer baldintza tekniko behar ditu nire ekipamenduak abiadura handian nabigatu ahal izateko?
Erabiltzaile askok mega askoko Interneteko konexioa dute, baina ezin dituzte mega guztiak erabili, beren ekipoek ez baitituzte betetzen beharrezko baldintzak. Horretarako, beharrezkoa da giga bateko RAM memoria eta 1 Gb/s-ko Ethernet sareko txartela edukitzea. Zure gailuak halakorik ez badu, inoiz ezingo duzu nabigatu 100 mega baino gehiagoko abiaduran.