Jarraian, datuen babesari buruzko legeriak esleitzen dizkizun eskubideetako bakoitzaren esanahia azalduko dizugu, eta informazioa emango dizugu, modu arin, erraz eta aldi berean seguruan eskatu ahal izan ditzazun.

Eskubide horietakoren bat erabiltzeko, bidali mezu elektroniko bat doku@euskaltel.com helbidera edo posta-mezu bat helbide honetara: Teknologia Parkea, 809 eraikina, 48160 Derio (Bizkaia). Oro har:

Bezeroa ez bazara, nahikoa izango da erabili nahi duzun eskubidea eta daturen bat ematea, aipatzen dituzun datu pertsonalak aurkitu ditzagun; besterik behar badugu, esango dizugu.

Bezeroa bazara, eskubide-mota bakoitzean sartu ditugun formularioak erabil ditzakezu errazagoa izan dakizun; zure izena eta NAN-zenbakia adierazi behar dizkiguzu, eta eskaera bidali zurekin harremanetan jartzeko eman diguzun posta elektronikoko kontutik, ziur egon gaitezen zeu zarela. Bezeroaren gune pribatuan edo Bezeroarentzako Arreta Sailean begiratu dezakezu zein den helbidea; behar izanez gero, aldatu ere bai. Posta arruntez bidaltzen badiguzu, zerbitzuak ematen ari garen helbidera erantzungo dizugu, arrazoi beragatik.

Kasuren batean, datuak zuzentzeko eskubideari eta harpidedunen aurkibideei dagokienez, dokumentazio gehiago aurkezteko eskatuko dizugu; beraz, lehenik eta behin, erabili nahi duzun eskubideari buruzko informazio zehatza kontsultatzea gomendatzen dizugu.

Legezko ordezkari,badiharduzu, legezko ordezkaritza jasotzen duen agiriaren kopia eta ordezkariaren NANaren kopia bidali beharko dizkiguzu, aurretik eman ez badizkiguzu.