Nola hobetu sarearen irismena

WiFi sareetako faktore askok eragin negatiboa dute estalduran eta seinalearen kalitatean.

Irismena hobetzeari dagokionez, kontuan izan behar ditugu, adibidez, etxetresna elektrikoak, azulejuzko gainazalak (esate baterako, sukaldeko paretak), ispiluak eta, oro har, metalezko gainazal handiak, hala nola apalategiak edo horma kofratuak, ez baitiote uzten seinaleari behar bezala hedatzen. Hori dela eta, komeni da, ahal den neurrian, modema elementu horietatik urrun eta lurretik 150 cm-ra (gutxienez) jartzea. Hartara, seinaleak ez ditu altzari baxuak, armairuak edo sofak zeharkatu behar, eta estaldura-metro batzuk irabazten dira.

WiFi seinalea zenbateraino jasotzen den egiaztatzeko, sarearen WiFi seinalearen irudiari begiratu dakioke; eskuarki, jasotzen den seinale-kantitatea makilatxo batzuen bidez adierazten da, baxutik altura.