Mugikorra - Lagundu-Lasai

Bit Defender antibirusa
Zerbitzuaren barruan, Bit Defender aplikazioa 4 gailu mugikorretan instalatzeko lizentzia sartzen da.
Instalatzeko, lehendabizi, deskargatu HALPP tresna, eta, handik, sakatu antibirusaren aukera, dendara sartu eta deskargatzeko.
Aplikazioak, zure Android gailuetarako antibirusa izateaz gain, aukera emango dizu, web espezializatu baten bidez, zure gailuetara komandoak bidaltzeko, lapurtzen badizute non dagoen jakiteko eta urrutitik ezabatzeko. Gainera, gurasoen kontrola ezartzeko aukera eskaintzen du, seme-alaben gailu mugikorretan instalatu eta webean aktibatuz gero.
Informazio gehiago nahi izanez gero, sartu eskuliburuen atalean, eta deskargatu dagokion eskuliburua.
Test-It tresna
Zure PCa edo MACa analizatu nahi baduzu, euskarriren bat behar duen jakiteko, dagokion softwarea deskargatu, instalatu eta exekutatu baino ez duzu egin behar. Tresna horrek ekipoaren zenbait atal gako aztertzen ditu, eta, beharrezkoa bada, zerbitzuko teknikari bati laguntza eskatzeko gomendatuko dizu.
Sartu zerbitzuaren webgunera, deskargatzeko.
Zer da Lasai?
Lasai arreta teknikoa eskeintzen duen zerbitzu gehigarri bat da, Zuntz Optikoa kontratatzean eska daitekeena eta Premium Zerbitzu Teknikoa eta Lagundu barnean hartzen dituena.
Zer dago sartuta?
Lagundu zerbitzuan, bezeroaren gailuen arazoei buruzko aholkuak eta irtenbideak sartzen dira. Egunean 24 orduetan egin daitezke eskaerak, baita jaiegunetan ere.
Ahal bada, teknikariak urrutitik konektatuko dira gailura, gertatzen diren gorabeherak konpontzeko.
Windows edo Mac OS sistema eragileen zenbait bertsiotatik aurrerakoak dituzten PC edo MAC motako 2 gailu sartzen dira zerbitzuan.
Lau mugikor edo tableta sartzen dira zerbitzuan, IOS, Android edo Blackberry sistema eragileetakoak, baina azken sistema eragile hori duten gailuentzako aholkularitza mugatua da.
Deskargen eremuan ikus daiteke onartzen dituen softwareen eta gailu fisikoen zerrenda osoa.
Zerbitzura sarbidea
Behin zerbitzua kontratatutakoan, bide bat baino gehiago dituzu hara sartzeko:

Ordenagailutik, txat bidez
Zerbitzura ordenagailutik sartzeko, teknikariak eskatzen dizunean, zerbitzuko zure helbide elektronikoarekin zure burua identifikatu.

Mugikorretik edo tabletatik (Android edo IOS), txat bidez.
Zerbitzura mugikorretik txat bidez sartzeko, Euskaltelen Androiderako eta iOS-erako aplikazioa deskargatu behar duzu. Handik, beste aplikazio batzuen atalean, Halpp aplikazioa deskargatu eta ireki behar duzu. Sartu zerbitzuko helbide elektronikoa, onartu erabilera-baldintzak, eta aplikazioak, zure gailu mugikorraren sistemaren bertsioaren arabera, beste aplikazio bat deskargatzeko eskatuko dizu.

Telefonoz deituz.
Zerbitzuan sartzeko, deitu 1717 telefono-zenbakira, etxeko bezeroa bazara, edo 1771 zenbakira, enpresa bat bazara, eta, teknikariak eskatutakoan, adierazi zerbitzuko zure helbide elektronikoa.

Aholkua zer gailuri buruz nahi duzun, hura erabiltzea komeni da, ahal bada behintzat; izan ere, hala teknikaria errazago sartuko da gailura urrunetik beharrezkoa bada.