Fakturari buruzko laguntza

Alda al dezaket faktura kargatzeko data?
Ezin da aldatu faktura kargatzeko data. Zure fakturan "Kobratzeko data" jartzen duen horretan kobratzen da faktura.
Bat al datoz webguneko "Zure kontsumoak" atalean ikusten den zenbatekoa eta fakturakoa?
Webguneko Bezeroaren Guneko IKUSI DEIEN XEHETASUNAK atalean agertzen den zenbatekoak hau adierazten dizu: zer dei egin dituzun, haien kostu erreala, kontsumo-deskontuak edo tarifa finkoak aplikatu aurrekoa alegia.
Begira al ditzaket webgunean uneko hileko kontsumo-xehetasunak?
Bai; aski duzu Bezeroaren Gunera sartzea, begiratu nahi duzun produktu finkoa edo mugikorra hautatzea eta IKUSI DEIEN XEHETASUNAK sakatzea.
Bereiz ordaindu behar al dut komunikazio ez-elektronikoen zenbatekoa?
Ez. Hainbanatuta eta zehaztuta duzu zerbitzu hori zure fakturan, Telekomunikazioen Erabiltzailearen Eskubideen Gutunak dioenari jarraikiz. Gida horrek agintzen duenez, kontzeptu horri buruzko berariazko informazioa eman behar zaio fakturan bezeroari.
Zergatik ez dira fakturan ageri dei guztien xehetasunak?
Kosturen bat atxikita duten deiei buruzko informazio guztia jasotzen duzu zure fakturan. Ez da xehetasunik ematen telefonia finkoko edo mugikorreko tarifa finkoetako deiei buruz, ez eta 0 â‚¬-ko kostu dutenei buruz ere.
Dei guztien xehetasunak nahi badituzu, erraz asko eta ezer ordaindu gabe begira ditzakezu zure Bezeroaren Gunean. Aski duzu begiratu nahi duzun produktu finkoa edo mugikorra hautatzea eta IKUSI DEIEN XEHETASUNAK sakatzea.
Nola alda daiteke faktura bidaltzeko helbidea?
Webguneko "Bezeroaren gunea"n alda dezakezu faktura jasotzeko helbide elektronikoa. "Zure datuak" sakatu behar duzu, eta, ondoren, helbidea atala aldatu, eta faktura bidaltzeko helbide berria jarri.
Nire faktura elektronikoa noiz eskura dezakedan esango al dit Euskaltelek?
Nahi baduzu, hilero jakinaraziko dizugu, posta elektroniko bidez, noiz kontsultatu dezakezun zure faktura elektronikoa. Aski duzu posta elektronikoko alertak aktibatzea:
a. Sartu Bezeroaren Gunera
b. "Fakturak" atalera
c. Konfiguratu zure fakturak posta elektronikoan alertak aktibatuz
Zer abantaila ditu faktura elektronikoak?
Euskaltelen faktura elektronikoak paperezko fakturaren lege-balio bera du, Diruaren eta Zerga Zigiluaren Fabrika Nazionalaren sinadura elektronikoko ziurtagiriarekin babestua baitago. Abantaila gehiago ere baditu, ordea:
ITXARON BEHARRIK EZ: dagoeneko ez duzu posta arruntaren zain egon behar. Internetera konektatu besterik ez duzu egin behar faktura ikusteko.
EZ DUZU PAPERIK METATUKO: Faktura elektronikoarekin, edozein unetan kontsulta ditzakezu azken urteetako fakturak; gainera, artxibatu, inprimatu edo deskargatu ere egin ditzakezu, etxean papera pilatu beharrik gabe.
GUK ABISATUKO DIZUGU: Mezu elektroniko bat bidaliko dizugu hilero, zure faktura Bezeroaren Gunean duzula jakinarazteko..
FAKTURA-HISTORIA: Bezeroaren Gunearen bidez, azken hiru urteetako fakturak daude eskura, haiek noiznahi kontsultatu, deskargatu edo inprimatzeko.
Fakturazioa ez zarete egiten ari bere garaian eman nizuen kontu-zenbakian, beste batean baizik
Euskaltelek fakturan agertzen den kontu-zenbakian fakturatuko du zenbatekoa. Beste kontu batera karguren bat sartzen bada, baliteke zure bankua karguak beste kontu batera pasatzen ari delako izatea. Informazio gehiago behar izanez gero, mesedez, galdetu zure bankuari.
Fakturen gainean klik egiten dut fakturak ikusteko, baina ez dit informaziorik erakusten. Zer egin dezaket?
Fakturen gainean klik egin ondoren ez badituzu ikusten, berrikus zure nabigatzailearen segurtasun-ezarpenak. Gerta liteke nabigatzaileak laster-leihoak debekatzea, eta, beraz, aukera hori aldatu behar zenuke leiho horiek ireki ahal izateko:
Helbideratu al ditzaket Euskaltelen nire fakturak zerbitzuen titularrarena ez den kontu batean?
Bai. Webguneko Bezeroaren Gunean, DATU PERTSONALAK, NIRE BANKU-KONTUA atalean duzu zure fakturak helbideratzeko erabiltzen dugun informazioa. Aldatzeko, eguneratu informazioa eta sakatu ALDATU.
Produktu batzuen helbideratzea aldatu nahi baldin baduzu, egin dezakezu, baldin eta uneko titularraren segurtasuneko datuak eta titular berriaren bankuko datu guztiak ematen baldin badituzu, Bezeroentzako Arretako doako zerbitzura deituta (1717).
Nire aurreko fakturak begira ditzaket?
Webgunearen Bezeroaren Gunean ikus ditzakezu azken hiru urteetako zure fakturak. Horretarako, sartu FACTURAK atalean eta hautatu IKUSI DENAK bistaratu.
Nola ageri dira fakturan SMS Premium mezuak?
Bi zenbateko dituzte zerbitzu horiek:
1. zenbatekoa: zerbitzu-hornitzaileari dagokion kostua.
2. zenbatekoa: Euskalteli dagokion kostua.
1 + 2 batura da Premium SMSaren zenbateko osoa.
Nola ageri dira fakturan Tarifa Gehigarriko Zerbitzuak (TGZ)?
Bi zenbatekotan banatuta ageri dira:
1. zenbatekoa: Euskaltelen bidez egindako telefono-komunikazioen kostua.
2. zenbatekoa: tarifa gehigarriko zerbitzuaren kostua, zerbitzu-hornitzaileari dagokiona.
1. eta 2. zenbatekoen arteko batura da Tarifa Gehigarriko Zerbitzuko deiaren kostua.
Nola aktibatzen da faktura elektronikoa?
Bezeroaren Gunera jo behar duzu faktura elektronikoa aktibatzeko; hara sartutakoan, pauso hauek eman, erraz askoak guztiak ere:
- Jo goiko menura, FAKTURAK atalera.
- Sakatu FAKTUREN KONFIGURAZIOA atalean.
- Hautatu AKTIBATUTA faktura elektronikoan eta sakatu GORDE botoia.
Gogoan izan hurrengo fakturatik aurrera formatu elektronikoan jasoko dituzula fakturak.
Nola ordaindu ditzaket ordaindu gabeko fakturak?
Hilaren 22tik aurrera kobratzen dira orain fakturak. Ordaindu gabeko fakturarik baduzu, honela ordaindu dezakezu:
1. Txartel bidez. Visa eta Mastercard kreditu- eta zordunketa-txartelekin ordaindu dezakezu, linea ahalik eta azkarren berraktibatzeko. Horretarako, sartu https://pago.euskaltel.com helbidera edo deitu 900 840 092 zenbakira. Unean bertan eta modu seguruan ordaindu ahal izango duzu, gure sistema automatikoa erabilita.
2. Bizum bidez. Bizumekin ere egin dezakezu, azkar eta seguru. Aski duzu telefonoa hartu, https://pago.euskaltel.com webgunean sartu eta urrats hauei jarraitzea:
  - "Ordainketa egin nahi dut” atalera joan.
  - Sartu zure datuak (NANa eta Euskaltel-eko telefonoa)
  - Hautatu "Bizum" aukera ordaintzeko modua hautatzean.
  - Idatzi Bizumen erregistraturik duzun telefono-zenbakia (ez du zertan bat etorri ordainketa honi dagokion zenbakiarekin).
  - Amaitu ordainketa zure bankuaren aplikazioan edo sartu 4 digituko zure Bizum gakoa (gako bakarra da, eta nahi duzunean alda dezakezu). Zure bankuko aplikazioan aktiba dezakezu. Bizum gakoarekin, saltoki elkartu guztietan ordaindu ahal izango duzu).
3. Google Pay. Google Payrekin ere ordaindu ditzakezu zure fakturak, botoi bat sakatze hutsarekin. Sartu https://pago.euskaltel.com helbidean eta jarraitu urrats hauei:
  - "Ordainketa egin nahi dut” atalera joan.
  - Sartu zure datuak (NANa eta Euskaltel-eko telefonoa)
  - Hautatu "Google Pay" aukera ordaintzeko modua hautatzean.
  - Txartela erregistratua baduzu, txartelaren bukaerako zenbakiak agertuko zaizkizu; ondoren, sakatu “Ordaindu” botoia.
  - Txartela erregistratua ez baduzu, urrats honetan gehitu dezakezu. Sartu txartelaren zenbakia eta titularra, eta sakatu “Ordaindu” botoia.
4. Transferentzia bidez ordaintzea. Kontu-zenbaki honetara transferentzia eginez ordaindu dezakezu: ES27 0182 4647 94 0201506445 (BBVA). Kontzeptuan, adierazi zure NANa edo AIZa eta Euskaltel mugikorraren zenbakia. Transferentzia zein bankurekin egiten duzun, litekeena da 72 ordu ere behar izatea.
5. Bankuko leihatilan ordaintzea. BBVA-en edozein bulegotan ordaindu dezakezu, leihatilan, ES27 0182 4647 94 0201506445 (BBVA) kontu-zenbakian. Zure NANa eta faktura ordaindu nahi duzun Euskaltel telefono-zenbakia adierazi besterik ez duzu egin behar. Ordainketa 24 ordura gauzatuko da, gutxi gorabehera.
Ez ordaintzeagatik linea moztuta badaukazu eta lehenbailehen berreskuratu nahi baduzu, txartel bidez edo Bizum bidez ordaintzea da modurik azkarrena.
Zein egunetik aurrera kontsultatu dezaket nire faktura webgunean?
Abendutik aurrera, Euskaltelen hilabeteko fakturazio-epea hilaren 22tik hurrengo hilaren 21era bitartekoa izango da. Eta, zalantzarik izan ez dezazun, posta elektronikoz jakinaraziko dizugu noiztik daukazun faktura kontsultatzeko prest. Aski duzu posta elektronikoko alertak aktibatzea:
    a. Sartu Bezeroaren Gunera
    b. "Fakturak" atalera
    c. Konfiguratu zure fakturak posta elektronikoan alertak aktibatuz
Zer da ekitaldi berezi bat?
Gure Videotekan dauden helduentzako filmak dira.
Zer da joan-etorriengatiko kostua?
Matxura Euskaltelek eragina ez bada teknikari baten joan-etorriengatik eta lanagatik aplikatzen den kargua da.
Zer da Roaming-a, Roaming IN-a eta Roaming OUT-a?
Atzerrian zaudela deiak egiteko aukera ematen du roamingak. Horren bi kontzeptu desberdin azalduko zaizkizu fakturan: roaming in-a eta roaming out-a.
    - Roaming in-a: atzerrian zaudela jasotzen dituzun deiak.
    - Roaming out-a: atzerrian zaudela egiten dituzun deiak.
Atzerrira joan aurretik, begiratu roaming zerbitzua aktibatua duzun, Bezeroaren Gunera sartuta:
    a. Sartu PRODUKTUAK atalean eta hautatu roaming-zerbitzua aktibatu nahi duzun mugikorreko linea.
    b. Sakatu AKTIBATU ZERBITZUAK eta hautatu ROAMING-a.
    c. Azkenik, aski duzu adieraztea deietarako eta/edo datuetarako roaming-zerbitzua nahi duzun aktibatu.
Zer da SMS Premium bat?
Euskalteletik kanporako zerbitzu bat da Premium SMS. Musika deskargatzeko, eta telebistako zozketak eta informazio orokorreko mezuak (albisteak, eguraldia...) jasotzeko tarifikazio bereziko mezuak eskaintzen ditu zerbitzu horrek. Mugikorrean eman behar zaio alta zerbitzuari.
Zer dira nire fakturan ageri diren komunikazio ez-elektronikoak?
Hauek hartzen dira komunikazio-zerbitzu ez-elektronikotzat:
    - Tarifikazio gehigarriko Zerbitzuak (TGZ); Premium SMS; Premium MMS eta WAP.
    - Telebista-zerbitzua (bai telebistako kuotak, bai ikuskizunak).
    - Ekipoen alokairua, salmenta edo lagapena.
    - Azpiegitura eta ekipamenduaren instalazioa.
    - Softwarea: antibirusak, etab.
    - Mantentze-lanak ez diren bestelako laguntza teknikoak, eta komunikazio elektronikoen zerbitzuaren konponketa.
Zer dira sare adimendunerako deiak?
800, 900, 901, 902, 904, 70X, 908 eta 909 zenbakietara egiten direnak dira sare adimendunerako deiak. Tarifikazio berezia dute dei horiek: 800 eta 900 zenbakietara egiten diren deiek ez dakarkiote kosturik bezeroari; sare adimendunerako gainerako zenbakietarako deien tarifak, berriz, hemen dituzue: Indarrean dauden tarifak.
Zer dira Tarifa Gehigarriko Zerbitzuak (TGZ)?
Batez ere 803, 806, 807,905 eta 907 kodeen bidez ematen dira zerbitzu horiek. Deiaren ohiko kostuaz gain, zenbateko gehigarri bat ere badute zenbaki horietara egiten diren deiek, jasotako zerbitzuen ordain gisara. Hemen dituzue ikusgai tarifikazio gehigarriko zerbitzuen tarifak: Indarrean dauden tarifak.
Zer egin behar dut nire faktura begiratzeko?
Sartu Bezeroaren Gunera, gure webgunetik, eta identifika zaitez. Erabiltzaile-izenik ez baduzu, hemen eman dezakezu alta.
Webguneko erabiltzailea sortzeko, datu hauek eman behar dituzu:
    - IFZ
    - Abizena
    - Helbide elektronikoa
    - Zure banku-kontuaren azken 10 digituak
    - Bezeroaren Gunearen erabiltzaile-izena
Bezero Gunean, hautatu FAKTURAK, sakatu IKUSI DENAK eta hautatu begiratu nahi duzun faktura.

Fakturari buruzko laguntza

Kontsultatuenak

Hauei buruzko zalantzak ditut:

Hau interesatu dakizuke

Laguntzen zaitugu

Gure bezeroentzat